У гэтым годзе наша краіна адзначае 125-годдзе з дня нараджэння выдатнага беларускага паэта, класіка  беларускай літаратуры, грамадскага дзеяча Максіма Багдановіча. З гэтай нагоды ў школе прайшлі шмалікія мерапрыемствы, якія закранулі вучняў усіх узроставых катэгорый. 

  10 снежня праходзіла мерапрыемства для навучэнцаў 8-х класаў "Беларусь сінявокая", якое падрыхтавала Врублеўская Вольга Міхайлаўна разам з вучнямі 10 "А" класа. Удзельнікі дзяліліся на каманды, якія атрымлівалі цікавыя і пазнавальныя заданні. Заданне з назвай "Аматары беларускага фальклору" прадугледжвала працу з беларускімі прыказкамі і прымаўкамі. Удзельнікі павінны былі ўзнавіць змест пераблытаных выразаў і растлумачыць іх значэнне. 

    Наступнае заданне "Растлумач тэрмін" паказала ўзровень пазнавальнай актыўнасці вучняў. Далей былі заданні "Разгадай рэбус", "Прапацей, грамацей!", "Спрыт, знаходніцтва і розум", "Пытанне - адказ", "Адгадай беларускіх пісьменнікаў". Усе заданні так ці інакш былі звязаны з жыццём і творчасцю Максіма Багдановіча.

     Кожны вучань меў магчымасць праявіць талент, кемлівасць, калектывізм