У гэтым годзе наша краіна адзначае 125-годдзе са дня нараджэння выдатнага беларускага паэта, класіка беларускай літаратуры, грамадскага дзеяча Максіма Багдановіча. З гэтай нагоды ў школе прайшлі шмалікія мерапрыемствы, якія закранулі вучняў усіх узроставых катэгорый. На гэтым тыдні настаўнікамі беларускай мовы і літаратуры праводзіліся тэматычныя хвілінкі, класныя гадзіны, пазакласныя мерапрыемствы з мэтай бліжэй пазнаёміць навучэнцаў з жыццём і дзейнасцю гэтага незвычайнага чалавека.
Так 9 снежня ў школе праводзіліся відэаперапынкі, на якіх дэманстраваліся прэзентацыі, фільмы, у каторых расказвалася пра жыццёвы шлях Багдановіча, асноўныя грані творчасці, падкрэсліваўся неацэнны ўклад паэта ў фарміраванне беларускай літаратуры і культуры. Таксама ўсе, хто жадаў, маглі паслухаць вершы і песні Багдановіча ў выкананні таленавітых сучаснікаў.