Дзень маці ў чацвёртай школе заўсёды адзначаецца з вялікім задавальненнем. Няма, мабыць, ніводнага вучня, які б ні паўдзельнічаў у мерапрыемствах і акцыях, прысвечаных такому цудоўнаму дню.
На працягу тыдня прайшлі конкурсы “Падарунак для мамы” і “Гатуем разам з мамай”, фотавыстава “Мая мамачка калісьці таксама школьніцай была”, класныя і інфармацыйныя гадзіны, конкурсныя і ігравыя праграммы.
Фіналам жа стаў канцэрт, які адбыўся 15 кастрычніка. Шмат цёплых слоў у свой адрас пачулі мілыя мамы, якія прыйшлі на бацькоўскі сход. Сапраўдным сюрпрызам для ўсіх прысутных стала выступленне сямейных дуэтаў у рамках конкурснай праграмы “Дзве зоркі”. На суд журы сваю творчасть прадставілі: Бушмелёва Марыя і Бушмелёва Вольга Міхайлаўна, Грабёнкіна Яніна і Угрыновіч Кіра Васільеўна, Цітова Яна і Дзімохіна Святлана Міхайлаўна. Рашэннем журы пераможцамі былі прызнаны ўсе тры дуэты.
Усе госці змаглі яшчэ раз упэўніцца ў тым, што чацвёртая школа багатая на таленты, якія і далей будуць радаваць усіх нас.