21 лютага ва ўсім свеце адзначаецца Міжнародны дзень роднай мовы. Гэта свята было заснавана ЮНЕСКА, каб нагадаць людзям пра важнасць захавання моўнай разнастайнасці планеты. 18 лютага ў 4 «В» класе прайшла інфармацыйная гадзіна пад назвай «Мова продкаў — мова сэрца», якая стала для вучняў сапраўдным адкрыццём.
Вучні пазнаёміліся з гісторыяй ўзнікнення свята і даведаліся, што ў свеце існуе больш за 7 тысяч моў і многія з іх знаходзяцца пад пагрозай знікнення. Пагаварылі пра багацце беларускай мовы і мілагучнасць беларускага слова. З задавальненнем успаміналі мудрыя выразы і гулялі у віктарыну «Скажы па-беларуску».
 У канцы мерапрыемства вучні адзначылі, што мова — гэта наша гісторыя. У ёй жывуць нашы продкі, іх традыцыі і культура. Страціць мову — значыць страціць сябе.