У нашай школе ўжо стала традыцыяй праводзіць Тыдзень беларускай мовы і літаратуры. Вось і сёлета ён будзе праходзiць з 19 па 23 лютага. Чаму менавіта ў лютым, спытаеце вы. Мы вам адкажам. Справа ў тым, што 21 лютага кожны народ адзначае Дзень роднай мовы.
Тыдзень беларускай мовы і літаратуры быў адкрыты вiктарынай, якую падрыхтавалі вучні 10 класа. На кожным перапынку дзецi маглi праверыць свае веды па жыццi i творчасці Янкi Купалы i Якуба Коласа i атрымаць салодкiя прызы за правiльныя адказы. У гэты ж дзень стартавала акцыя “Рускай мове дай разгрузку – размаўляй па-беларуску!”