19 лютага ўрок беларускай мовы ў 5 “А” і 5 “В” класах прайшоў вельмі весела і незвычайна ў форме конкурсу “Пагуляем у роднае слова”. Вучні, паклікаўшы на дапамогу сваю фантазію і веды, адправіліся ў “падарожжа” па роднай краіне. Іх чакала шмат выпрабаванняў на розных і цікавых прыпынках: “Перакладчыкі” і “Шарада “Пралеска”, “Словаведы” і “Старонкі мінулага”, “Знаўцы беларускага фальклору” і “Пазнай пісьменніка”.
Сяброўская атмасфера, прыемная музыка, дух спаборніцтва і, канечне, мілагучнае, роднае слова зрабілі гэты ўрок, прысвечаны Міжнароднаму дню роднай мовы, яскравым і запамінальным!