Крос у гонар нашага земляка касманаўта Алега Навіцкага праходзіць у нашым раёне штогод. Прыемна, што аматараў гэтага мерапрыемства становіцца ўсё больш. У гэтым годзе яго ладзілі на Чэрвеньскім гарадскім стадыёне. У ім прынялі ўдзел вучні раённых і гарадскіх школ, навучэнцы ліцэя. Многія на стадыён прыйшлі загадзя. Яны знаёміліся, рабілі пробныя забегі і дзяліліся сакрэтамі «правільнага бегу». Прыемна адзначыць, што вучняў нашай школы было вельмі шмат. Адны прыйшлі як удзельнікі, іншыя завіталі на мерапрыемства, каб падтрымаць сяброў. Але сумна не было нікому.
У кросе было прадугледжана 12 забегаў. Усіх спартсменаў размеркавалі па групах. Першымі беглі дзяўчынкі 2004- 2005 года нараджэння. У гэтай узроставай катэгорыі першае месца заняла Маргарыта Лазовік з 9 “Б” класса.
Самыя малодшыя дзяўчынкі 2006 года нараджэння і маладзейшыя спаборнічалі ў трэцім забегу. Прызавыя месцы, другое і трэцяе месцы адпаведна прынеслі ў капілку каманды вучаніцы 5 “А” класа Карына Чарнавец і Лізавета Беразаўская.
Сярод дзяўчынак 2000-2001 гадоў нараджэння другое месца заняла Паліна Сламянец з 11 “Б” класа.
Сярод падлеткаў 2002-2003 гадоў нараджэння на дыстанцыі два кіламетры першым прыйшоў Максім Гранчык, вучань 9 “В” класа. Уладзіслаў Сушкевіч з 7 “А” класа быў лепшым ва ўзроставай катэгорыі 2006-2007 г.н.
Не засталіся без узнагарод і настаўнікі. Сярод мужчын 1995-1999 г.н. першае месца заваяваў Аляксей Андрээвіч Марозаў, кіраўнік фізвыхавання, трэцяе месца — у Паўла Андрэевіча Марозава, настаўніка фізічнай культуры і здароўя.
Усе пераможцы спаборніцтва атрымалі памятныя медалі.