Навучэнцы 2-х, 3-х і 5-х класаў здзейснілі незабыўнае падарожжа ў музейны комплекс "Дукорскі маёнтак".
 Шмат цікавых спраў і знаёмстваў чакала там вандроўнікаў: разам з Мядзведзем, Казой і Гаспадыняй шукалі калядную зорку, запальвалі агеньчыкі на навагодняй ёлачцы, вадзілі карагоды, спаборнічалі ў спрытнасці, спявалі і танцавалі. Спадабалася дзецям і цікавае прадстаўленне батлеечнага тэатра, а таксама катанне на коннай брычцы.
З прыемнасцю і карысцю бавілі час у гасцях. Напрыканцы кожны атрымаў навагодні падарунак.